Obsession

好野。
已經冇出好多年既金田一終於出返。

唔知大家細個有冇睇開呢？

仲記唔記得七不思議係邊七不呢?
(哈。應該問仲記唔記得有金田一D本漫畫>_<)

已經完全唔記得幾多年前完左上一輯lu。
我剩係記得睇對上個輯頭幾期過時係小學既時候>_<

睇金田一我一定估唔到邊個係兇手。
但我次次都一定估到邊個會死先。
果D特別多野講，好自大。
或著冇咩野講成日起度自言自語個D一定會死先>_<
(哈哈。有DD特徵既人小心D。)

過左咁多年睇返新一期依然好睇。
最估唔到係自從上次出完。
漫畫裡竟然係事隔一個月>_<

見到金田一同美雪細遇既一刻
美雪話："好耐冇見啦，呀一 ! 你擔心死我la。"真係好冇說服力。

反而名偵探柯南裡面既
女主角毛利蘭同男主角幾百集冇見
剩係講電話又完全咁唔覺得奇怪>_<。哈哈。更冇說服力。


我都係鐘意睇一D寫實D既漫畫。
就例如：
好似死亡筆記咁用本筆記來殺下人。
或者網球王子咁打爆個網球同係水中快速對打網球。
(見到DD場面，用網球打死人都真係好少兒科。)
又或者One Piece咁個主角
食左D惡魔果實識伸長D手手腳腳。


哈哈。其實好睇既漫畫我都鐘意睇的。

大家都知la。我個人比較喜歡用腦。
剩係睇果D打打殺殺既漫畫唔係咁arm我。

不過見到金田一過左咁多年又出返真係好開心。