The Remedy

終於考完試lu。





















有D人冷晒文雅咁話自己既興趣係欣賞異性。(係啦。個個人就係我la。)

究竟咩野係欣賞異性呢?
等我用一些日常發生係我身邊既例子來形容下比大家聽。

la。第一個例子。
有一次，同覃傑佢地成班fd，搭地鐵返到葵芳。
地鐵一開車門，就即刻見到梁力勳。
跟住問佢去葵芳做咩?
佢就話 : "冇呀，頭先我唔小心跟住個女仔落左車，
其實我要去美乎睇醫生架。再見。"
掛住睇女仔就一齊落車。
見到自己fd就即刻講886。
實在係一個慣住欣賞異性既好例子。

第二個例子。
之前成日同張針，曾廣裕同陸氏去自修室。
有一日，係葵興自修室。
張針話 : "而，後面個女仔唔錯喎。"
古古就話 : "唔好成日慣住睇女啦。"
(la。D一刻佢仲係好正義咁既。)
5秒後，即刻令個頭去睇一野。
10後再令，好快又再令多幾次。
D個一分鐘內唔知望左人幾多次既紀錄真係冇人能破。
個女仔都差D比佢"目及"爆。
不過D種咁遜色既異欣異性方式會有極度反效果的。
就好似係白普理咁，有個女仔次次見到我地來都即刻調位。
全因古古第一次來就以為人地睇唔到咁指著個女仔話 :
"喂，快D坐過來D個位啦，可以望個女仔呀 !"
真係勁，果然係趕女高手。

第三個例子。
唔知有位路人問你路，你會點幫佢呢?
多數極其量都係指一指比佢睇點去既姐。
記得有一次，有個女仔問溫澤泓路，我估個女仔咁講 :
"請問葵芳ive點去呀 ? "(完全冇要人親自帶路既意思架)
溫澤個時雖然係葵與，但佢竟然行10幾分鐘送人去到門口。
真係難想像平時手制放係佢30cm面前都要同你講 "
"喂，同我拎個手制過來。"既犵次竟然陪人行成千米既路程，
D個實在係識得在路程中欣賞異性既好例子。
比著有位老婆婆問佢南葵涌醫院點去。
佢實話 : "婆婆呀，為左你身體著想，你搭的士啦。"

第四個例子。
之前我都講過，考中化同英文，張針坐我隔離啦。
考第一份卷之前，張針唔會冇啦啦望過來的。
跟住差唔多考完第一份卷個時，大家都冇咩時間啦
張針就開始望過來，跟住又望左幾次喎。
我開頭以為佢睇下我做晒未啦，我都繼續咁做。
考完之後，張針就問我 : "你做唔做得晒呀 ?"
我話 : "做唔晒呀，我仲以為你望過來睇到我做唔晒tim。"
張針就話 : "我唔知你呀，我見到你付近個幾靚既女仔
考緊果時除左件外套乍。"
人地除左除左件外套就一清二楚，我埋頭苦幹咁做緊就唔知。
我知道張針心裡面實諗緊 :
"尹顯龍阻Q著晒，搞到我睇得唔清楚，第二份唔好來啦。"
差在未講出口既姐。
不過考試時欣賞異性，實會影響到下成績既。
所以千祚唔好呀。

其實日常既例子仲有好多，
睇過我上面就知我D朋友幾重朋友，幾重異性啦。
亦都睇到欣賞異性唔止係我既興趣來的。

好似尋日咁
棠棠都要趕我地走，又話我阻著佢啦。
真係好兄弟la ! 哈哈。講下笑姐。

考完試冇野做，一打打左咁多字tim。
如果你習慣睇人日記由後面睇上來既話，
我可以話比你聽。
其實D例子好無聊的，可以唔睇架。