One Year Six Months

唔經唔覺
明天就係last day上課日

D個星期頭幾日仲係度
同肥枝、imen、Pauline係度講惜別會D野。
成個星期上堂都同平時一樣
細心諗返原來明天就係last day上堂。哈哈 !

以後少左好多機會係imen面前講笑tim !
雖然imen身為學生會主席，不過佢從來都好比面我既 !
除左平時龍哥前龍後之外。
有時我唔小心講左D爛到爆既爛gag
全場靜晒，自己都想叫自己收皮既時候。
imen就會好比面我咁，笑一笑
跟住就話 : 龍哥 ! 你唔好係度搞gag啦。
哈哈 ! 其實我自己都知道自己平時
講D野同東張西望D主持差唔多級數架la。
係imen至咁比面我既姐。

講完imen一定要講呀Pauline !
Pauline同imen剛剛相反，從來都係最唔比面我既 !
當我上Econ堂好認真咁同佢講句野
有時係問下佢呀sir講到邊度
有時係問下佢功課做邊度，甚至
有次見佢有本schedule，只係問左句 : 你有schedule架 ?
佢比我既回應就係 : 你講夠廢話未呀?尹顯龍。
當然佢越問我講夠未，我就越要講啦。
況且我講既又唔係D咩廢話，句句都好有意義既。

記得有次上Econ堂買左盒糖，諗住請大家食。
個個人都話好食，我好心問句 : Pauline你食唔食呀?
佢唔食不特止，
更竟然話 : D隻糖超極難食架，我由細到大都最憎食架 !
唔食未算囉，洗唔洗咁唔比面話由細到大都最憎食呀。
佢既意思即係我由細到大都食緊隻垃圾糖。
跟住我就即刻係佢面前食晒佢。
後來至發覺原來佢最鐘意食既係醒目糖，
至知道味覺有問題既係佢，不過佢又真係需要食多D既。
唔止我覺得佢需要，肥枝都係咁話佢。

講開肥枝，
我時常覺得我地D成績係攬住一齊死既
因為我地兩科AL都一樣，
唔止上課既態度，仲有測驗考試既表現都好有發棄既感覺
功課一係就唔交、一係就a囉
即係a,b,c,d,e Part，剩係做a Part，仲要做2,3條倒
哈哈 !
其實平時我地咁既讀書態度，AL真係真係好極有限
唯有考試前放多D時間溫書la。
靠上堂學既野，or靠呀sir、Miss就真係死得十世la !


返埋明天學
真係要好好運用D時間
再係咁晒時間，就死lu。