Bad Day

昨晚 訓得好好



放假唔想溫書
所以一朝早起身就睇下人diary

突然有感而發
想講返前幾日返學發生既事

前幾日

一早返去就要做學校唔知咩survey
簡直係無聊同晒時間

一些關於學校and老師既問卷
i don't like it !

有一條 :學生尊重老師 ----- 十分同意
學生一向都尊重老師架la
從來都係老師唔尊重學生既姐

同埋好想加d :
校長有用嗎?(反問來的)------------十分同意
返學有用嗎?(反問來的)(LIY only)--十分同意
老師教書有用嗎?(反問來的)-------十分同意

MISS KWOK
冇變過 一直都咁討厭!!!

PA堂講concept
我地男仔坐埋一邊
起度夢遊
悶死我呀......
遲d我地may be 會有個LCCI既考試
唔想D一日來臨 *

好憎恨PA*

lunch自己同自己返屋企食
自己一個人行返上來
其實日日都係咁 冇咩好講

well 又係準時1:30返到學校

pe堂
踢波----好好悶
一開波淨係得個睇字!!
haha!而我係企埋一邊食西北風ga!
唯一一球想偷雞入波都比籠門救左
鳴鳴鳴...

唔夠五分鐘又比7B男仔搶返個場
唯有坐埋一邊...

之後就淨係睇人玩


睇d 男仔cool住條安全帶係度攀石
好無聊lor!!
亦都冇人鐘意睇lor!!!!!

放學自己一個走 *

I really hate that




仲有 前日個test 中國語文趣話喎!
我同張針竟然妄想出貓
最後緊係冇出la 比人捉到要記小個個喎!
要洗廁所個喎!李中既大使一定唔會咁做既!
最後我未得40幾分lor
人人都高我一培咁lor 早知博一博la!

ha!bye!

Anything But Ordinary

冇相post
唯有post
下班相la。








我對面屋真係癡架=_=

已經重量避開佢，
己經係屋企樓下見到佢，行多一陣公園至返屋企。
己經係佢面前，扮到好忙咁，話唔得閒。

為既就係唔想去佢屋企幫佢整咩電腦，咩上網姐。
都叫左佢打比寬頻公司叫人上來整架la ! 我又唔係幫你駁線個個。

今日，返屋企好唔好彩咁又撞到對面屋呀李太
佢緊係又問我得唔得閒幫佢睇下咩點解上唔到網la。

跟住我就即刻扮個好疲倦好似通左幾晚頂既樣話比佢知
我好累，唔得閒，要而家即刻返屋企訓喎。

唔知話佢傻定聰明，竟然好似完全睇唔出咁，
仲叫我一陣過去幫佢睇下點解上唔到網tim。

唉，好啦，好啦。咁Q煩，就過去睇下la。
過到去，發覺佢買左部全新既Plasma(仲大過陸致康屋企過部，好浮誇呢)
我都知道唔止整電腦咁簡單既啦，佢想show下野姐。
好，我都像徵式講返句，嘩，好靚喎部新電視。
呀李太就答話：係呀，幾萬蚊架。

又坐低睇佢點樣上唔到網la，
Yahoo去到喎，佢學校個網都去到喎，咩網都去到喎。
掙在未試D H網姐 ? 咁有咩問題呢 ?
呀李太就話：係呀，點解既，我尋日上學校個網登入唔到呀。
下，你登入唔到學校個網，就叫做上唔到網 !
等我仲叫佢叫寬頻公司D人來整，真係對唔住佢地，
人地唔洗搵食咩，上來幫你打幾個字登入學校網頁呀。
同係屋企唔見左1蚊，打999報警有咩分別呀 ?

好啦好啦，我跟住D名稱同密碼幫佢登入la，一打就登入到囉喎。
呀李太跟住又話 : 呀，點解既，我尋日打過「1」字會出過感嘆號果喎？
我心諗 : 呀姑，你唔好話比我聽你習慣禁住個shift制來打字架??
我就話 : 哦，可能個鍵盤有問題姐！(我唔敢同佢解釋咩係shift制，
因為一解釋比佢聽就實解到迷情家族D真凶自晒首，都未解釋完 !)
佢跟住就話，緊係個衰女亂咁禁D制la。

Yeah !諗住一天都光晒la，走得啦。
呀李太又再發問la : 我之前收到寬頻公司D信封呢，打開晒既，
比人睇到晒D密碼la，會唔會有人拎左我個密碼，偷晒我電腦D野既？
D電視賣廣告話，網上資料要保密喎 !
唔，基本上呢，有人要偷晒你部電腦D野，除非偷左你條門匙啦。
如果唔係，都偷唔到你D咩，仲有人地賣應告叫D商業人仕小心保管密碼姐
冇叫過D唔識上網既人要小心保管密碼喎，邊個咁得閒會偷你D資料呀，
偷D小學生功課去賣咩。
我就話 : 冇野既，D密碼其他人用唔到既。

又Yeah la，諗住今次真係走得la。
呀勇於發問既李太竟然又把握住機會再問喎 : 我而家個女成績我好唔滿意呀，
你小一果時D成績好唔好架 ?
痴Q線，查家宅咩 ! 咁多野問。
我就話 : 一般啦。佢又話 : 哦，8,90分呀，你。
咩Q野呀，小一仲鬼Q記得咩，話明一般就唔會8,90分咁高la
荒死佢唔係又想講佢個女8,90分，佢都唔滿意咩。
我就求Q期答話 : 係呀，係呀。

跟住佢竟然又想再問，我答完係呀之後
就即刻話 : 我今日好累呀，我想返屋企訓啦。
好彩跟住佢終於冇再問姐，如果唔係我真係踢Q爆佢部電腦，
等佢成日叫人整電腦呀la。

就來考試，就算我唔溫書，冇野做。
訓下覺都好過過去對面屋幫人登入D小學生網頁啦。
係未呀?

Lost on the stoop

E張相元旦日影既。
影相個個途人唔知係有柏金遜，一話係好驚影得唔好，所以他手震，
以致佢影成咁。
唔緊要。 話明係途人，唔通搵佢出來打咩。
係未 ?
咁6既手勢代表咩呀 ? 緊係代表06年la，唔通代表6個人咩。

唔驚唔覺，咁就06年la。
等我仲成日以為仲係04年tim。
哈哈~

一年又過了，唔知過多幾十年我會唔會變左個體弱多病既廢人呢?
就好似我PA個Miss咁，20到尾姐。
佢除左身軀較為似係一個30歲既人之外。
身體上期餘既器官基本上同一個7,80歲既老人係冇咩分別既 !
除左很早之前記憶已經有明顯衰退蹟象之外，

前日她更說自己，腰週不時也會痛，眼更有時會看不見東西tim。
可能係因為近排天氣冷既關係，Miss除左感冒外，感冒菌更入了骨。
行路時拐下拐下咁，仲大大聲話要駕車返屋企。
Miss你有事唔緊要呀，新年留留，抄車撞死途人就唔去la。
所以我同肥枝都勸Miss唔好駕車啦。
她就說：我隻腳痛姐，我腳蹭位冇事丫嗎，可以剎車同踏油門喎！
Miss講完D句，我今日就見唔到佢la(因為佢今日終於請左假)。
唔通Miss終於連腳蹭位都旭唔到？ 唔會瓜。

真係衷心咁希望Miss星期一冇事返來學校啦。
星期一得1堂PA，星期二更是冇佢堂tim，佢唔返未好唔抵 !

06年，除左希望可以快高長大之外。

更希望可以身體健康。

唔......就大家咁話la。